CEAS Santa Luchia Thiniscole
Punnamus, cun atividades de divulgatzione e cun pràticas bonas, a ispainare cussèntzia ambientale e a ingendrare cumportamentos responsàbiles a tales chi b’apat rispetu pro sa galania de sa Natura
Chie semus
Semus duas professionistas de s’educatzione ambientale chi, dae su 2007, cun passione e determinu, amus fatu programmas in sas iscolas de cada òrdine e gradu, istudiadu e monitoradu su sistema costerinu de sas dunas de Capu Cuminu, progetadu itineràrios escursionìsticos e aprontadu eventos pro cumpartzire sa cultura de su gosu dèghidu de sos logos.
Ite faghimus
Progetos
Laboratòrios
Eventos
Collaboratziones
Fainas
-
Atividades de educatzione pro s’isvilupu sustenìbile;
-
Informatzione e documentatzione;
-
Animatzione territoriale;
-
Ativatzione de risorsas, initziativas, progetos e programmas pro sa sustenibilidade.
Destinatàrios
Sas atividades de sos Ceas sunt indiritzadas a una pluralidade de sugetos: iscolas, comunidades locales, mundu de sos assòtzios e de su voluntariadu, lìberos professionistas, amministradores pùblicos e privados, assòtzios de categoria e de rapresentàntzia tzìvica, impresas e universidades.
Progetos
Partner
Iscolas
Istitutu cumprensivu n.1 Thiniscole
Istitutu cumprensivu n.2 Thiniscole
Coro Montalbo
Tzentru istùdios “Luigi Oggiano”
Biblioteca de Thiniscole
Assòtziu Malik
Assòtziu Punti di Vista
Assòtziu Dialoghi con lautore
Ufitziu limba sarda Monte Arvu
Guido Daniele
In ue semus
In Sardigna semus, in sa galana e sulena Santa Luchia de Thiniscole, bidda cun su chirru prus orientale de totu sa costera tirrènica de custa ìsula ispantosa. Est unu bidditzolu chi lu comintzeint a fraigare sos piscadores pontzesos a printzìpios de su ‘900 ma meda in antis de tando amparadu dae sos ispagnolos chi bi artzieint sa turre chi, fintzas como, est unu de sos marcos istòricos de custu tretu de litorale.
Territòriu
Thiniscole est una bidda de sa costera tzentru orientale de sa Sardigna e, cun sos 12.000 abitantes residentes e barda, est a su presente su segundu logu prus mannu e de importu de sa provìntzia de Nùgoro. Istèrridu in belle 20.000 ètaros, su territòriu suo nch’est a làcana cun sos comunales de Pasada e Torpè a nord, cun su de Lodè a ovest, cun sos de Lùvula, Irgoli, Oniai e Orosei a sud. A oriente est a ogros a su Mare Tirrenu.
Gruta de Gana ‘e Gortoe
Sa gruta de Gana ‘e Gotoe est unu situ naturalìsticu de importu. Est cosa belle ùnica su de bi pòdere intrare dae intro de su tzentru abitadu de Thiniscole. Mancari custu, fintzas oe la connoschimus in cunditziones prus chi non bonas amparende in intro ispeleotemas e ispètzies grutajas cun grandu biodiversidade e interessu conservatzionìsticu.
